बेनी, । नेपाल इन्भेष्टमेन्ट मेगा बैंक (एनएमबी) बेनी शाखाको आयोजनामा मंगलबार माउन्ट एभरेष्ट आवासीय माविमा वित्तीय साक्षरता कार्यक्रम सम्पन्न भएको छ ।
बेनी नगरपालिका–७ महारानीथानमा रहेको माउन्ट एभरेष्ट आवासीय माविको कक्षा १० मा अध्ययनरत विद्यार्थीहरुलाई बैंकिङ ज्ञान प्रदान गर्ने उद्देश्यले कार्यक्रम गरिएको हो । कार्यक्रममा बैंकमा बचत, ऋण लगानी प्रक्रीया, बचतका फाइदा लगायतका विषयमा जानकारी गराइएको थियो ।
नेपाल इन्भेष्टमेन्ट मेगा बैंक लिमिटेड शाखाका प्रबन्धक उपेन्द्र गौतम, कर्जा शाखा प्रमुख ध्रुब भट्टराई र कर्मचारी निर्मला आचार्यले सहजिकरण गर्नुभएको थियो ।
