बेनी, । उर्जा, जलस्रोत तथा सिंचाइ राज्यमन्त्री खमबहादुर गर्बुजा ‘खम्बिर’ले म्याग्दीको अन्नपूर्ण गाउँपालिकामा मंगलबार जभेटघाट तथा विकास योजनाहरु अनुगमन गर्नुभएको छ ।
अन्नपूर्ण गाउँपालिका वडा नं.३ दाना, वडा नं.४ चारच्याङको गाडपारमा आयोजना गरिएको बधाई तथा शुभकामना र सम्मान कार्यक्रममा बोल्दै राज्यमन्त्री गर्बुजाले जनताको आवश्यकताका आधार योजना बनाउन र जनताको गुनासो र सुझावहरु संकलन गर्न आफु जिल्लाको विभिन्न बस्तीहरुमा आएको बताउनुभयो ।
दानामा बोल्दै मन्त्री गर्बुजाले दानाका स्थानीयले राखेका वस्ती संरक्षण, खानेपानी र सडक निर्माण जस्ता योजनाहरुमा आगामी आर्थिक बर्षमा पर्याप्त बजेट बिनियोजन गर्ने जनाउनुभयो । गाउँपालिकाको सभाहल पोखरेबगरमा आयोजना गरेको कार्यक्रममा नेपाली कांग्रेस म्याग्दीका समेत रहनुभएका मन्त्री गर्बुजाले पर्यटनको विकासमा आफुले सक्ने सहयोग गर्ने बताउनुभयो ।
‘उहाँले वडा नं. ५ र पालिका जोड्ने सडक स्तरोन्नित, घोडेपानी जाने सडकमा भएको सास्ती संगै पालिका भित्रका बस्ती संरक्षण र खानेपानी, अहिले सम्म विद्युत नपुगेको बस्तीहरुमा विद्युत पुराउने गरी बजेट व्यवस्थापन गर्नेछु,’ मन्त्री गर्बुजाले भन्नुभयो ‘यस पालिका धेरै जलविद्युतका आयोजनाहरु छन् ती आयोजनाहरुले स्थानीय प्रभावित क्षेत्रमा गर्नुपर्ने कामहरु नगरेको गुनासो आएको बताउदै ति समस्याको बारेमा तत्काल समाधन हुने गरी काम गर्ने बताउनुभयो ।’
यसैबिच रघुगंगाको गाउँपालिका–३ राहुघाटको अम्वाङमा बन्न लागेको डाडाखेत सवस्टेशनको अनुगमन गर्दै मन्त्री गर्बुजाले सव स्टेशन निर्माण कार्य समयमा नै सक्क निर्देशन दिनुभएको छ । उहाँले आयोजना प्रमुख रोशन अग्रवाललाई केही समस्या भए आफुले सहजिकरण गर्ने बताउदै सवस्टेशन निर्माणलाई समयमा नै निर्माण सम्पन्न गर्न आग्रह गर्नुभयो । बेनी बजार संरक्षण आयोजना अनुगमन समेत गर्नुभएका गर्बुजाले आगामी बर्ष समेत संरक्षणका योजनाले निरन्तरता पाउने बताउनुभयो ।
यसैगरी उहाँले जिल्लाभित्र निर्माणाधिन जलविद्युत आयोजना बनेपछि जिल्ला र देशलाई ठुलो आर्थिक सहयोग पुग्ने बताउँदै समयमै सम्पन्न गर्नका लागि आफुले आवश्यक सहयोग गर्ने प्रतिबद्धता जनाउनुभयो । मन्त्री गर्बुजाले नदी कटान र बाढीका कारण हुने क्षती रोक्न नदी कटानको उच्च जोखिममा रहेका दरबाङ, तातोपानी बजार, बेनी बजार, गलेश्वर क्षेत्र, राममन्दिर र पर्वत बेनी आसपासका बस्तीलाई संरक्षण गर्न नदी नियन्त्रणका आयोजना निर्माण भइरहेको र आगामी आर्थिक वर्षमा थप आयोजना संचालन हुने बताउनुभयो ।
राज्यमन्त्री संगै मन्त्रालय अन्तर्गत सिंचाइ विभागका प्रमुख सन्तोष कैनी, सिंचाइ तथा जलस्रोत व्यवस्थापन आयोजना कास्कीका प्रमुख विदुरमान श्रेष्ठ लगायत सहभागि हुनुहुन्थ्यो । संविधान सभा सदस्य रेशमबहादुर बानियाँ, कांग्रेस म्यादीका उपसभापतिद्धय हरिकुमार श्रेष्ठ र केवी भण्डारी लगायत स्थानीय नेता तथा कार्यकर्ता लगायतले विभिन्न स्थानमा भएको कार्यक्रममा मन्तव्य व्यक्त गर्नुभएको थियो ।
