म्याग्दीको दानामा मोटरसाइकल दुर्घटनामा एक जनाको मृत्यु
बेनी, म्याग्दीको अन्नपूूर्ण गाउँपालिका–३ दानामा सोमबार बिहान मोटरसाइकल दुर्घटना हुँदा एक जनाको मृत्यु भएको छ ।
बेनी–जोमसोम–कोरला सडक अन्तर्गत दानादेखि बेनीतर्फ आउदै गरेको ग १६ प ६१६४ नम्बरको मोटरसाइकल बेनी देखि जोमसोमतर्फ जादै गरेको ग २ ख २१३९ नम्बरको बसमा ठोक्कीदा दुर्घटना भएको हो ।
दुुर्घटनामा परि मोटरसाइकल चालक बिरगञ्जका अन्दाजी २० वर्षीय अफताप सलमानको घटनास्थलमै मृत्यु भएको इलाका प्रहरी कार्यालय दानाका प्रमुख श्याम बहादुर रानाले बताउनुभयो । अफताप दानामा मोटरसाइकल मर्मत केन्द्र सञ्चालन गर्दै आएका थिए ।
बसका चालकले तिब्र गतिमा मोटरसाइकल आफूूतर्फ आइरहेको देखेपछि आफ्नै साइडमा गाडी रोकेका थिए । मोटरसाइकल एक्कासी गाडीमा आएर ठोक्कीदा दुर्घटना भएको प्रत्यक्षदर्शी स्थानीय व्यवसायी इन्द्रसिंह शेरचनले बताउनुभयो ।
दुर्घटनाको बारेमा अनुसन्धानका लागि बेनीबाट जिल्ला प्रहरी कार्यालयको प्रहरी निरीक्षक सागर पौडेलको नेतृत्वको टोली घटनास्थलतर्फ गएको छ ।
