बेनी,। गत चैत ५ गते निर्वाचित स्वतन्त्र विद्यार्थी युनियनका पदाधीकारी र सदस्यको पदस्थापनाका लागि म्याग्दी बहुमुखी क्याम्पसले आयोजना गरेको कार्यक्रममा सभापतिनै अनुपस्थित हुनुभएको छ ।
स्ववीयु चुनावमा सभापतिमा निर्वाचित नेविसंघका संगम चोखाल क्याम्पसले आयोजना गरेको कार्यक्रममा अनुपश्थित हुनुभएको हो । सचिव मञ्जुर कटुवाल, कोषाध्यक्ष अस्मीता भण्डारी, सदस्यहरु अनेरास्ववीयुका सफल खत्री (क), सफल खत्री –ख), एलिसा बरुवाल, नेविसंघका विशाल विक., सम्पूर्ण जिसी, ढकबहादुर भण्डारी, रेजिता भण्डारी, अजय मल्ल, रुपा सापकोटा र अनेरास्ववीयू क्रान्तिकारीका शिवराम गौतम सहभागी हुनुहुन्थ्यो ।
पदस्थापना कार्यक्रममा स्ववीयु निर्वाचनमा मतदाताको मतदाताको मतको सभापति चोखालले अवमूल्याङ्कन गरेको भन्दै टिप्पणी भएको छ । सभापति चोखालले भने सञ्चालक समिति र क्याम्पस प्रशासनको नेतृत्वको कार्यशैलीका कारण यस्तो भएको प्रतिक्रिया दिनुभयो ।
नेपाल विद्यार्थी संघबाट समानुपातिक उमेद्वार चयनमा पार्टीले हस्तक्षेप गरेकाले आफु असन्तुष्ट भएको र क्याम्पस व्यवस्थापन तथा सञ्चालक समितिले छलफल नगरि पदस्थापना कार्यक्रम गरेकाले नगएको चोखालको भनाई छ ।
