भानु मावि र बालप्रिय सारदा निल, गलेश्वर आदर्श र ज्योति आधारभुतका सतप्रतिशत उतिर्ण
बेनी, । बेनी नगरपालिका स्तरीय कक्षा आठ को परिक्षामा ७२ दशमलब ५१ प्रतिशत मात्रै विद्यार्थी उतिर्ण भएका छन् ।
दुई वटा विद्यालयका सत प्रतिशत सहित २६ दशमलब ८१ प्रतिशत विद्यार्थी अनुतिर्ण भएका छन् । बेनी नगरपालिकाले सञ्चालन गरेको कक्षा आठको वार्षिक परिक्षामा ३३ वटा विद्यालयका आठ सय ८४ जना मध्य आठ सय ७८ जना सहभागी भएका थिए ।
छ सय ४१ जना उतिर्ण र दुई सय ३७ जना अनुतिर्ण भएका नगरपालिकाका शिक्षा शाखाका प्रमुख उपसचिव क्षेत्रबहादुर भण्डारीले बताउनुभयो । एक सय १२ जना एक विषयमा, ६१ जना दुई विषयमा, २६ जना तीन विषयमा र ३८ जना चार भन्दा बढी विषयमा फेल भएका छन् ।
दुई भन्दा कम विषयमा अनुतिर्ण विद्यार्थीका लागि यही चैत २८ र २९ गते सम्बन्धित विद्यालयमा मौका परिक्षा सञ्चालन गर्न नगरपालिकाले निर्देशन दिएको छ । दुई भन्दा बढी विषयमा अनुतिर्ण विद्यार्थीलाई कक्षा दोहो¥याउन पनि नगरपालिकाले विद्यालयहरुलाई पत्राचार गरेको छ ।
११ जना सहभागी भएको रत्नेचौरको भानु मावि र सात जना सहभागी बालप्रिय सारदा आधारभूत विद्यालय डाडाखानी भकिम्लीका सबै विद्यार्थी अनुतिर्ण भएका छन् । जयन्ति मावि भकिम्लीका १५ जना मध्य दुई जना मात्र उतिर्ण भएका छन् ।
गलेश्वर आदर्श र ज्योति आधारभूतका सत प्रतिशत विद्यार्थी उतिर्ण भएका छन् । गलेश्वर आदर्शका १८ र ज्योति आधारभूतका तीन जना विद्यार्थी कक्षा आठको परिक्षामा सहभागि भएका थिए ।
बेनी नगरपालिकाका शिक्षा अधिकृत कमल ढकालका अनुसार कक्षा ८ को नगरस्तरीय वार्षिक परिक्षा सञ्चालनका लागि फरक विद्यालयका शिक्षकलाई केन्द्राध्यक्ष नियुक्त गरिएको थियो । नगरपालिकाले प्रश्नपत्र तयार पार्नुका साथै नगरपालिकामै उत्तरपुस्तिका परिक्षण गरिएको शिक्षा अधिकृत ढकालले बताउनुभयो ।
