बेनी, । अन्तराष्ट्रिय नेपाली साहित्य समाज (अनेसास)का संस्थापक अध्यक्ष होमनाथ सुवेदीलाई मंगलबार गृहजिल्लामा अभिनन्दन र सम्मान गरिएको छ । म्याग्दी बहुमुखी क्याम्पसमा विभिन्न छ वटा साहित्यकि संस्थाहरुले आयोजना गरेको कार्यक्रममा सुवेदीलाई सम्मान गरिएको हो ।
म्याग्दी बहुमुखी क्याम्पस, पौलत्स्य साहित्य प्रतिष्ठान, पुलत्स्य साहित्यक समाज, म्याग्दी साहित्यिक समाज, म्याग्दी सामुदायिक पुस्तकालय, तारानाथ धनेश्वरी पुरस्कार संस्था र मोहनबहादुर मल्ल साहित्य प्रतिष्ठान पर्वतले संयुक्त रुपमा कार्यक्रम आयोजना गरेका थिए ।
प्राज्ञ प्रेम छोटाले सुवेदीलाई प्रशंसापत्र र दोसल्ला ओढाएर सम्मान गर्नुभएको थियो । धवलागिरी गाउँपालिका–७ ताकममा जन्मिएका सुवेदी हाल अमेरिकामा बसोबास गर्नुहुनछ । नेपाली भाषा र साहित्यलाई विश्वभर पु¥याउन सुवेदीले योगदान गर्नुभएको छ ।
अध्यात्मवाद, भौतिकवाद, समाजवादको दार्शनिक चेतलाई साहित्यको माध्यमबाट मुखरित गरेका सुवेदीले साहित्सका सबै बिधामा कलम चलाउन सक्ने बहुप्रतिभाका धनी हुनुहन्छ । समालोचक, १० उपाध्यास सहित आख्यान, काब्य बिधाका चार दर्शन बढी कृतिका लेखक सुवेदी साहित्यिक क्षेत्रका स्रोत, मार्गदर्शक, अनुकरणीय व्यक्तिको पहिचान बनाउनुभएका सुवेदीलाई अनेसासका पिताका रुपमा चिन्ने गरिन्छ ।
सुवेदीले लेख्नुभएको यमपुरीको महल उपन्यास त्रिभुवन विश्व विद्यालयले स्नातक तहको पाठ्यक्रममा समावेश गरेको छ । सम्मान कार्यक्रममा सुवेदीले श्रीमति स्व. नन्दादेवी सुवेदीको स्मृति र उहाँलाई आधारित बनाएर लेखिएका कृतिहरु नन्दादेवी सुवेदी स्मृति ग्रथ, नन्दा शोक खण्डकाव्य र सेती गजल खण्डकाब्य लोकर्पण गरिएको थियो ।
म्याग्दी बहुमुखी क्याम्पसका प्रमुख श्रीधर सुवेदीको अध्यक्षता, अजयमिलन श्रेष्ठको सञ्चालन र रेखाकौशल रेग्मीको स्वागत मन्तब्यमा कार्यक्रम सम्पन्न भएको थियो । कार्यक्रममा म्याग्दी साहित्य समाजका ध्रुबलाल शर्मा, तारानाथ धनेश्वरी स्मृति पुरस्कार संस्थाका माधवप्रसाद रेग्मी, मोहनबहादुर मल्ल साहित्य प्रतिष्ठानका अध्यक्ष केदारनाथ पौडेल, म्याग्दी सामुदायिक पुस्तकालयका दिपक पौडेल, पौलत्स्य साहित्य प्रतिष्ठानका नविनप्रकाश बानिया, पुलत्स्य साहित्य समाजका शिव सस्मितले शुभकामना मन्तव्य व्यक्त गर्नुभएको थियो ।
