दरवाङ, । नेपाल पुनमगर समाज मालिका गाउँपालिकाको प्रथम भेला शनिबार दरवाङमा सम्पन्न भएको छ ।
भेलाले थमबहादुर पुनको अध्यक्षतामा १३ सदस्यीय समाजको मालिका गाउँपालिका समिति गठन भएको छ । समाजको उपाध्यक्षमा मनकुमारी पुन, सचिवमा नरेश पुन, सहसचिवमा मिम गर्बुजा पुन, कोषाध्यक्षमा दिलिप पुन रहनुभएको छ ।
सदस्यहरुमा तमबहादुर पुन, प्रेममति पुन, रुपना जुग्जाली, शर्मिला पुन, शोभा पुन, सतदेवी पुन, लालकुमारी पुन, देवसरा पुन र गिता पुन रहनुभएको छ । कार्यक्रममा नेपाल पुन मगर समाजका केन्द्रिय अध्यक्ष खेमबहादुर पुनमगर, सदस्य सदस्य तुलबहादुर पुन, थमसरा पुन र नेपाल मगर संघ जिल्ला कार्यसमिति म्याग्दीका सचिव हिरा पुनले शुभकामना मन्तब्य व्यक्त गर्नुभएको थियो ।
नेपाल पुनमगर समाज जिल्ला कार्यसमिति म्याग्दीका अध्यक्ष निरज शेरपुञ्जाको अध्यक्षता र सचिव साजन पुनको सञ्चालनमा कार्यक्रम सम्पन्न भएको थियो । पुन मगर अन्तर्गत एउटा थर भएको सचिव पुनले बताउनुभयो । पुन छुट्टै जात नभएको समाजले जनाएको छ ।
