ट्याक्टर दुर्घटनामा दुई जनाको ज्यान गयो

Gandaki Kotihome

बेनी, ः धवलागिरी गाउँपालिका–२ लुलाङमा बिहिबार भएको ट्याक्टर दुर्घटनामा दुई जनाको मृत्यु भएको छ ।

देउराली देखि लुलाङ तर्फ जादै गरेको ग १ त ७१९६ नम्बरको ट्याक्टर पाखापानी भन्ने ठाउँमा दुर्घटना हुँदा घाइते भएका चार जनालाई उपचारका लागि बेनी ल्याइएको छ ।

धवलागिरी गाउँपालिका–२ का २१ वर्षीय पूर्णलाल रसाइलीको घटनास्थलमै र १८ वर्षीय डेबिन बि.क.को लुलाङ स्वास्थ्य चौकीमा उपचारको क्रममा मृत्यु भएको जिल्ला प्रहरी कार्यालय म्याग्दीका प्रहरी निरीक्षक सागर पौडेलले बताउनुभयो ।

Shreekrishna hardwear in news
Notice about ban dadalo

धवलागिरी गाउँपालिका–७ ताकमका २५ वर्षीय राजकुमार सुनारले चलाएको उक्त ट्याक्टरमा सात जना सवार थिए । गम्भिर घाइते लुलाङका २० वर्षीय कमल बिक, २४ वर्षीय कबिराज बिक, धवलागिरी गाउँपालिका–६ मराङका १५ वर्षीय किस्मत खड्का र मालिका गाउँपालिका–६ दरवाङका विकास श्रीपालीलाई उपचारका लागि बेनी ल्याइएको छ ।

सकुशल रहेका चालक धवलागिरी गाउँपालिका–७ का राजकुमार सुनार प्रहरीको नियन्त्रणमा छन् । इलाका प्रहरी कार्यालय दरवाङबाट खटिएको टोलीले अनुसन्धान थालेकोे छ । सडक देखि करिब एक सय ५० मिटर तल खसेर ट्याक्टर दुर्घटना भएको थियो ।

भौगोलिक रुपमा दुर्गम र विकट क्षेत्रमा अवस्थित दुर्घटनास्थलमा लुलाङका बासिन्दा र जनप्रतिनिधीहरुले घाइतेको उद्दार गरेर स्वास्थ्य चौकी पु¥याएका थिए । गाउँपालिकाका उपाध्इक्ष रेशम पुनमगर, वडा अध्यक्ष अकप्रसाद बिकको टोली घटनास्थलमा पुगेर उद्धारमा खटिनुभएको थियो ।

Gandaki Sarkar Notice about banyajantu
प्रतिक्रिया दिनुहोस
Loading...