बेनी, म्याग्दीको धवलागिरी गाउँपालिका–२ लुलाङमा आज ट्याक्टर दुर्घटना हुँदा एक जनाको मृत्यु भएको छ ।
देउराली देखि लुलाङ तर्फ जादै गरेको ग ७१ त ९० नम्बरको ट्याक्टर ढोलढार भन्ने ठाउँमा दुर्घटना हुँदा चार जना घाइते भएका स्थानीयबासी बिर्खलाल बिकले बताउनुभयो ।
घटनास्थलमा रहेका धवलागिरी गाउँपालिकाका उपाध्यक्ष रेशम पुनमगरका अनुसार दुर्घटनामा परि लुलाङका अन्दाजी २० वर्षीय पुर्णलाल रसाइलीको घटनास्थलमै मृत्यु भएको छ ।
तीन जना घाइतेको लुलाङ स्वास्थ्य चौकीमा उपचार भैरहेको र एक जनालाई एम्बुलेन्समा राखेर थप उपचारका लागि बेनी पठाइएको छ । घाइतेहरुको नाम खुलेको छैन् ।
ताकम प्रहरी चौकीको टोली घटनास्थल जादै गरेको जिल्ला प्रहरी कार्यालयले जनाएको छ । स्थानीयबासी र जनप्रतिनिधीहरुले घाइतेको उद्धार गरेर स्वास्थ्य चौकीमा लगेका थिए ।
