बेनी, । म्याग्दीको धवलागिरी गाउँपालिका–१ गुर्जामा व्यवसायिक तरकारी खेती सम्बन्धी तालिम सम्पन्न भएको छ ।
धवलागिरी गाउँपालिकाको लघुउद्यम विकास कार्यक्रम मार्फत सात दिनसम्म सञ्चालन भएको तालिममा २१ जना कृषकहरुको सहभागिता थियो ।
तालिममा कृषि प्राविधिक अमृत थापाले बेमौसमी तरकारी खेती, यसको महत्व, फाइदा, नर्सरी स्थापना सम्बन्धी सैद्धान्तिक र ब्यवहारिक विषयमा सहजिकरण गर्नुभएको थियो । तालिमका क्रममा तीन वटा पलास्टिक घर पनि तयार पारिएको प्राविधिक थापाले बताउनुभयो ।
बेमौसमी तरकारी खेतीमा आकर्षित गराई स्थानीय स्तरमा आवश्यक ताजा तरकारी उपलब्ध गराउन तालिम प्रदान गरिएको हो ।
