बेनी, ः सूूचना तथा प्रशारण विभागको आयोजनामा म्याग्दीको बेनी नगरपालिका–९ गलेश्वरमा आइतबारदेखि प्रेस प्रतिनिधि प्रमाणपत्र वितरण तथा अनलाइन सञ्चारमाध्यम दर्तासम्बन्धी घुुम्ति शिविर शुरु भएको छ ।
घुम्ति शिविरसँगै दर्गम क्षेत्रमा कार्यरत पत्रकारहरुको क्षमत्ता अभिवृद्धि तालिम पनि शुरु भएको छ । म्याग्दी, बागलुङ, पर्वत र मुस्ताङमा कार्यरत पत्रकारहरुको क्षमता अभिवृद्धि, विभागले प्रदान गर्ने प्रेस प्रतिनिधि प्रमाणपत्र र अनलाइन सञ्चार माध्यम दर्तासम्बन्धी सेवा जिल्ला स्तरमै उपलब्ध गराउने उद्देश्यले नेपाल पत्रकार महासंघ म्याग्दी शाखासँगको समन्वयमा तालिम आयोजना गरिएको विभागका निर्देशक पूर्णीमा लम्सालले बताउनुभयो ।
घुम्ति शिविरबाट काठमाडौ पुुगेर विभागबाट लिनुुपर्ने सेवा म्याग्दीमै पाइनेछ् । २५ जना पत्रकार तथा सञ्चारकर्मीहरु सहभागि तीन दिनसम्म सञ्चालन हुने तालिममा डा. विजय मिश्रले सहजिकरण गर्नुहुने पत्रकार महासंघ म्याग्दीका अध्यक्ष हरिकृष्ण गौतमले बताउनुभयो ।
तालिमको उद्घाटन गर्दै कार्यक्रममा बेनी नगरपालिकाका प्रमुख सुरत केसी, प्रमुख जिल्ला अधिकारी गुरुदत्त ढकाल र पत्रकार महासंघ गण्डकी प्रदेशका उपाध्यक्ष प्रकाश पौडेलले पत्रकार तथा सञ्चार माध्यमको खबरदारी गर्ने भूमिकालाई बढाउनुपर्ने बताउनुभयो ।
सूचना प्रविधिको विकास र सामाजिक रुपान्तरणसँगै सञ्चार सामग्रीलाई मल्टिमिडिया र बिबिधकरण गराउन, खोजमुलक समाचारमा प्राथमिकता दिन, राज्यको सेवा, सुविधाबारे नागरिकलाई जानकारी गराउन र नागरिकका समस्यालाई उजागर गरि सरोकारवालाहरुलाई सुझाव दिन आग्रह गर्नुभयो ।
