ताकम ः म्याग्दीको धवलागिरी गाउँपालिका–७ ताकममा आइतबार रुखबाट लडेर एक जनाको मृत्यु भएको छ ।
ताकमको हुकलुङमा बाख्रा चराउन गएका ताकमका ६० वर्षीय थमन खत्रीको खनिउको रुखमा चढेर घाँस काट्ने क्रममा लडेर घटनास्थलमै मृत्यु भएको जिल्ला प्रहरी कार्यालय म्याग्दीले जनाएको छ ।
बाख्रा घर फर्किएपनि सँगै गएका खत्री नफर्किएपछि खोज्ने क्रममा स्थानीयबासीले साँझ उहाँलाई मृत भेटाएका थिए । रुखमा चढेर घाँस काट्ने क्रममा हावाहुरीले हाँगा हल्लाएर उहाँ रुखबाट खसेको अनुमान गरिएको छ ।
घटनास्थलमा प्रहरी टोली पुगेर अनुसन्धान सुरु गरेको प्रहरी नायव उपरीक्षक भरत श्रेष्ठले बताउनुभयो । म्याग्दीमा आइतबार दिउँसो चलेको हावाहुरीका कारण विद्यालय र स्वास्थ्य संस्थाहरुको भवनमा क्षति पु¥याएको छ । जनजिवन प्रभावित भएको छ ।
