मुना, । म्याग्दीको धवलागिरी गाउँपालिका–१ गुर्जा र वडा नं.–२ लुलाङमा कार्यस्थलमा आधारित जिवन उपयोगी सिप विकास तालिम सञ्चालन भएको छ ।
गाउँपालिका अन्तर्गतको रोजगार सेवा केन्द्रको आयोजनामा फागुन ८ गतेदेखि शुरु भएको तालिम ५० दिनसम्म सञ्चालन हुनेछन् । गुर्जामा मेसन (डकर्मी) र लुलाङमा सडक मर्मत सम्बन्धी तालिम सञ्चालन भएको धवलागिरी गाउँपालिकाका रोजगार संयोजक देव पुनले जानकारी दिनुभयो ।
प्रतिस्पर्धा मार्फत छनौट भएको परामर्शदाता कम्पनी पोखरा भ्याली ट्रेनीङ इस्टिच्युटका प्रशिक्षकले तालिमको सहजिकरण गरेका छन् । दुई वटा वडाका २०÷२० जनाको तालिममा सहभागिता छ ।
४० दिन कार्यस्थलमा ब्यवहारिक र १० दिन सैद्धान्तिक विषयमा सहजिकरण गरिनेछ । तालिममा सहभागीले हाजिरिको आधारमा न्युनतम ज्याला दैनिक रु. सात सय १२ पाउँछन् । ५० दिनको योजनामा काम गरि एक सय दिन बराबरको न्युनतम रोजगारमा संलग्न गराइनेछ् ।
