बेनी । बेनी नगरपालिका–४ सिंगा तातोपानीमा म्याग्दी जिल्ला स्तरीय सि र डि लेभल ब्याडमिन्टन प्रतियोगिता सम्पन्न भएको छ ।
तातोपानी राक्से ब्याडमिन्टन संघको आयोजनामा फागुन २३ र २४ गते भएको प्रतियोगितामा सि र डि लेभलका ५२ टिमको सहभागिता थियो । सिलेभलमा तातोपानीका केशव – हरि, नर – भगवानको जोडी दोस्रो, फलीयागाउका मदन – विज्ञान, दरवाङका नगेन्द्र – निर्मलको जोडी तेस्रो हुनुभयो ।
पहिलो, दोस्रो र तेस्रो हुनेले क्रमश ः रु. २५ हजार, १५ हजार र दश हजार पुरस्कार प्राप्त गर्नुभयो । यसैगरी डि लेभलमा बेनीका रिहान–सुरेश पहिलो, कुशल–कनक दोस्रो, तातोपानीका हेमराज–सफल र बेनीका खेम र खड्कको जोडि तेस्रो हुनुभएको थियो ।
डि लेभलमा पहिलो, दोस्रो र तेस्रो हुनेले क्रमश ः रु. १५ हजार, दश हजार र पाँच हजार नगद पुरस्कार प्राप्त गरेका तातोपानी–राक्से ब्याडमिन्टन संघका अध्यक्ष दिनेश केसीले बताउनुभयो । मेडल, ट्रफी र प्रमाणपत्र पनि वितरण गरिएको थियो ।
