बेनी, । म्याग्दीको रघुगंगा गाउँपालिका–३ मौवाफाँटको ज्ञानोदय माविमा सञ्चालित दृष्टिविहिन स्रोत कक्षाका विद्यार्थीहरुलाई सोमबार बेनीको लिटिल गार्डेन एकेडेमीका विद्यार्थीहरुले सहयोग गरेका छन् ।
लिटिल गार्डेन एकेडेमीमा गठन भएको विभिन्न क्लवमा आवद्ध विद्यार्थीहरुले स्रोत कक्षाका १० जना विद्यार्थीहरुका लागि रु. २० हजार मूल्य बराबरको शैक्षिक सामग्री र कपडा सहयोग गरेका प्रिन्सीपल दिपक सुवेदीले जानकारी दिनुभयो ।
लिटिल गार्डेनका विद्यार्थीहरुको टोली मौवाफाँट स्थित ज्ञानोदय माविमा पुगेर काली, कलम, झोला हस्तान्तरण गरेका थिए । स्रोत कक्षामा न्युन दृष्टि भएका १० जना विद्यार्थीहरु आवासीय रुपमा अध्ययनरत छन् ।
