बेनी ः नेपालका महिलाको संवैधानिक अधिकारको ब्यवहारमा लागू गर्न सरोकारवालाले जोड दिएका छन् ।
११५ औ अन्तराष्ट्रिय महिला दिवसको अवसरमा बेनी नगरपालिकाको कार्यालयको मुुल आयोजना र विभिन्न संघ संस्थाहरुको सहआयोजनामा भएको कार्यक्रममा महिलाले पाएको अवसरलाई सदुपयोग गर्दै पुरुषसरह महिलाले पनि काम गर्न सक्छन् भन्ने सोचको विकास गर्न जरुरी रहेको बताएका हुुन् ।
महिलालाई अवसर दिन कन्जुस्याई गर्दा समाज पछाडी परेको अधिकारकर्मीहरुको भनाई थियो । जिल्ला समन्वय समितिका उपप्रमुख दिलकुमारी खत्रीले अवसर र अधिकार पाउने हो भने पुरुषले गरेको भन्दा महिाले गरेको कामकारबाही बढी प्रभावकारी हुु्न्छ भन्ने तथ्य समाजको नेतृत्व गरेका महिलाहरुले सावित गरेका बताउनुभयो ।
महिलाले केही गर्न सक्दैनन होइन की अवसर र अधिकार दिए जे पनि गर्न तयार छन भन्ने उदाहरण हेरेर अब अवसरमा कन्जुुसाई गर्न नहुने उहाँले बताउनुभयो । बेनी नगरपालिकाका प्रमुख सुरत केसी, जिल्ला समन्वय अधिकारी कमलप्रसाद आचार्य, महिला अगुवा जमुना आचार्य, बह्मकुुमारी इश्वरीय विश्वविद्यालय बेनी शाखाकी प्रमुख रिना दिदी, नेपाल पत्रकार महासंघ म्याग्दी शाखाका अध्यक्ष हरिकृष्ण गौतम, दिदीबहिनी बचत तथा ऋण सहकारी संस्थाका अध्यक्ष सुुगम श्रेष्ठ, अनेमसंघ क्रान्तिकारीका बेनी नगर अध्यक्ष अम्बिका ढुंगानाले मन्तब्य व्यक्त गर्नुभएको थियो ।
दिवसको अवसरमा महिला अवसर र नेतृत्व विषयक लोकगित प्रतियोगिता आयोजना गरिएको थियो । प्रतियोगितामा स्वास्थ्यकर्मी समुुह पहिलो, गणेश आमा समूह खबरा दोस्रो र दिदी बहिनी सहकारी बेनी तेस्रो भएका थिए ।
बेनी नगरपालिकाका उपप्रमुख ज्योती लामिछानेको अध्यक्षता, सामाजिक विकास समितिका संयोजक चक्र केसीको स्वागत र महिला विकास शाखाका डमसरा पुनको सञ्चालनमा कार्यक्रम सम्पन्न भएको थियो ।
जिल्ला समन्वय समिति र सामाजिक विकास कार्यालयले समन्वय गरेको कार्यक्रममा नारी जागृति महिला विकास बहुुउद्देश्यीय सहकारी संस्था, दिदिबहिनी बचत तथा ऋण सहकारी संस्था, संगिनी बचत तथा ऋण सहकारी संस्था, मिलन महिला बचत तथा ऋण सहकारी संस्था, महिला उद्यम विकास समिति, मिलन, संगम, फेकोफन, समावेशी मञ्च र अधिकारका लागि राष्ट्रिय अभियान नेपाल सहआयोजक थिए ।
सन १९७५ देखि संयुक्त राष्ट्रसंघले अन्तराष्ट्रिय श्रमिक महिला दिवस मनाउन थालेको थियो । सन १९०८ को मार्च ८ मा अमेरिकामा १५ हजार बढी महिलाहरुले दैनिक काम गर्ने समय घटाउनुपर्ने, राम्रो तलब पाउनुपर्ने र मतदानको अधिकार दिनुपर्ने माग राख्दै प्रर्दशन गरेका थिए ।
विश्वभरी विभिन्न क्षेत्रमा कार्यरत महिलाको आर्थिक, राजनीतिक र सामाजिक उपलब्धी स्मरण गर्दै महिलाको प्रविधिमा पहुँचको विस्तार गर्ने, महिला सशक्तिकरण अभिवृद्धि गर्ने, लैगिक असमानता र हिंसाजन्य क्रियाकलाप निर्मल गर्ने यस दिवसको लक्ष्य रहेको छ ।
