गलेश्वर । पूर्वराजा ज्ञानेन्द्र शाहले बुधवार म्याग्दीको बेनी नगरपालिका–९,गलेश्वरमा अवस्थित प्रसिद्ध धार्मिक तीर्थस्थल गलेश्वर शिवालय मन्दिरमा पूजा गर्नुभएको छ । पारिवारिक र धार्मिक भ्रमणको सिलसिलामा विभिन्न शक्तीपिठको यात्राको क्रममा बुधबार गलेश्वरधाम मन्दिर भित्र पसेर पूजा–अर्चना गर्नुभएको हो । माघ २७ गतेदेखि पोखरामा रहेका शाह आज बागलुङ हुदै गलेश्वर पुगेका थिए ।
गलेश्वर शिवालय क्षेत्र विकास कोषका अध्यक्ष माधबप्रसाद रेग्मीका अनुसार मन्दिर भित्रै पसेर पुजा गर्ने प्रबन्ध गरिएको बताउनुभयो । सोही अवसरमा राप्रपाका केन्द्रिय सदस्य भीमप्रसाद गौचन, जगतप्रसाद गौचन सहितको टोली र सर्वसाधारणले समेत भेटघाट गरेका थिए । पूर्वराजा शाहको सुरक्षाको पनि कडा व्यवस्था थियो । गलेश्वर बजार प्रवेशद्धार मा सवारीसाधन रोकेर सर्वसाधारणलाई पैदलयात्रा र मन्दिर क्षेत्रमा स्वागत गरिएको थियो । स्वागतमा हिन्दु धर्मलम्बीहरुका साथै राप्रपा बाहेक कांग्रेस र कम्पयुनिष्टका नेता तथा कार्यकर्ता पनि पुगेका थिए ।
पञ्चेबाजा, भजन समूह र अन्य झाँकीसहित उपस्थित समूहले शाहको जयजयकार गरेका थिए । नागरिक स्वागत मूल समारोह समिति नै गठन गरी पूर्व राजा शाहको स्वागतको प्रबन्ध गरिएको थियो । उक्त समिति सहित सिवसेना नेपाल लेखेको टिसर्ट र ज्याकेट लगाएका र स्वयंसेवक समूहले घेराहालेर उनलाई मन्दिर पु¥याएका थिए ।
