बेनी, । बेनी नगरपालिका–४ सिंगा तातोपानीमा फागु पुर्णिमा पर्वको अवसरमा जलमाई भगवती आमा समूहले मेला आयोजना गरेका छन् ।
प्राकृतिक चिकित्सालयको रुपमा परिचित तातोपानीमा परम्परागत रुपमा लाग्दै आएको फागुपुर्णिमा मेलालाई यसपाली आमा समूहले निरन्तरता दिएका हुन् ।
फागु पुर्णिमा पर्वको अवसरमा फाइभ ए साइड पुरुष र महिला फुटसल, महिला र पुरुष लठो तान्ने, अन्धनिशान, पुरुष छेलो, महिला छेलो, भोले छुने प्रतियोगिता आयोजना गरिएको जलभाई भगवति आमा समूहका सचिव मिना जुग्जालीले बताउनुभयो ।
मिलन घर्तिको संयोजकत्वमा खेलकुद समिति गठन गरेर यही फागुन २६ देखि २८ गतेसम्म सञ्चालन हुने मेलाको तयारी तिब्र बनाएको समूहका अध्यक्ष पालमती जुग्जालीले बताउनुभयो । समूहले संस्कृति संरक्षण र विभिन्न सामाजिक कामका साथै महिलाहरुलाई आत्मनिर्भर बनाउन सिपमुलक तालिमहरु पनि सञ्चालन गर्दै आएको छ ।
