दरवाङ । म्याग्दीको मालिका गाउँपालिकाको केन्द्र दरवाङमा आगामी नयाँ वर्ष २०८२ को अवसरमा रु. एक लाख ५० हजार पुरस्कार राशीको फुटबल प्रतियोगिता आयोजना भएको छ ।
जनप्रिय मावि भूतपुर्व विद्यार्थीले वैशाख २ देखि ६ गतेसम्म सञ्चालन गर्ने प्रतियोगिताको तयारी तिब्र बनाएको छ । आयोजक समितिका क्लव अध्यक्ष कुशल घर्तीले विभिन्न उपसमिति गठन गरेर आर्थिक संकलन, प्रचारप्रसार र खेलमैदान तयारीको कामलाई तिब्र बनाएको बताउनुभयो ।
सेभेन ए साइड खुल्ला पुरुष फुटबल प्रतियोगिताको बिजेता र उपबिजेतालाई ट्रफि, मेडल र प्रमाणपत्र सहित रु. एक लाख ५० हजार र रु. ८० हजार प्रदान गरिने क्लवले जनाएको छ । अनुशासित र सेमीफाइनलबाट बाहिरिने टिमलाई रु. १०÷१० हजार, उत्कृष्ट खेलाडीलाई रु. छ हजार, उत्कृष्ट गोलरक्षक, डिफेन्डर र सर्वाधिक गोलकर्तालाई रु. पाँच÷पाँच हजार पुरस्कार प्रदान गरिने भएको छ ।
प्रतियोगितामा सहभागि हुने एउटा टिममा नेपाल बाहिरका तीन जना सम्म खेलाडीलाई सहभागी गराउन पाउनेछन् ।
