बेनी । म्याग्दीको रघुगङ्गा गाउँपालिका–७ चिमखोलामा निशूल्क आँखा शिविर सम्पन्न भएको छ ।
हिलारी–तेन्जिङ च्यारिटी न्युजिल्याड, हिमालयन आँखा अस्पताल पोखरा र रघुगङ्गा गाउँपालिका–७ को कार्यालयको आयोजनामा यही फागुन ११ र १२ गते शिविर सञ्चालन भएको थियो ।
दुई सय ४० जनाको आँखा परिक्षण गरिएको र मोतियाबिन्दुको शल्यक्रिया गर्नुपर्ने सात जनालाई हिमालयन आँखा अस्पताल पोखरा रिफर गरिएको हिलारी–तेन्जिङ च्यारिटी न्युजिल्याण्डका संस्थापक सदस्य चक्रबहादुर थापाले जानकारी दिनुभयो ।
शिविरमा हिमालयन आँखा अस्पताल पोखराका दिपेश मल्ल ठकुरी, स्वस्तिका अधिकारी, रितिका बिक, बिपी स्मृति स्वास्थ्य प्रतिष्ठानका उपाध्यक्ष प्रकाश शर्माले आँखा सेवा दिनुभएको थियो । आँखा परिक्षण र परामर्शका साथै निशूल्क औषधी वितरण गरिएको थियो ।
हिलारी–तेन्जिङ च्यारिटी न्युजिल्याड, विपी स्मृति स्वास्थय प्रतिष्ठान र निशिखोला गाउँपालिका–२ को आयोजनामा यसअघि बागलुङको निसिखोलाको कान्छि बजारमा पनि शिविर सञ्चालन गरिएको संस्थापक सदस्य थापाले बताउनुभयो ।
