बेनी, । नेकपा एमाले म्याग्दीले तीन महिने वडा केन्द्रित अभियान सञ्चालन गर्ने भएको छ ।
बेनीको हाडेभिर स्थित एमालेको पार्टी कार्यालयमा मङ्गलवार पत्रकार भेटघाट कार्यक्रम गरेर यही माघ २५ देखि बैशाख २० गतेसम्म वडा÷पालिका तहमा पार्टी कार्यकर्ता प्रशिक्षण, सदस्यता नविकरण तथा विस्तार अभियान चलाउने जानकारी गराएको हो ।
एमाले म्याग्दीका अध्यक्ष बालकृष्ण सुवेदीले माघ २५ र २६ गते प्रदेश निर्वाचन क्षेत्र (क) र (ख) को बैठक गर्ने, फागुन ३ गते सबै पालिका कमिटिको बैठक गर्ने, फागुन १७ गते भित्र सबै वडामा कार्यकर्ता भेला, प्रशिक्षण गर्ने र चैत ३० गतेभित्र सबै पालिका कमिटिहरुको प्रतिनिधी परिषद् बैठक गर्ने समयतालिका बनाएको जानकारी गराउनुभयो ।
फागुन २१ गते वडा वडामा मोवाईल एपबाट पार्टी सदस्यता अद्यावधिक गराउने योजना बनाइएको छ । एमालेबाट निर्वाचित जनप्रतिनिधीले सम्पादन गरेका कामको प्रतिकृया लिने, वडा तहमा पार्टी संगठन बाहेक संसदीय संयन्त्रलाई सक्रीय र प्रभावकारी बनाउने पनि उद्देश्य रहेको एमालेका केन्द्रिय सदस्य तथा म्याग्दी जिल्ला ईञ्चार्ज भुपेन्द्र थापालेब ताउनुभयो ।
कार्यकर्ताहरुको नेतृत्व र क्षमता विकासको साथै आगामी नेतृत्वका लागि सम्भावना र क्षमतावान नेतृत्वको खोजी गरिने पनि उहाँले बताउनुभयो । पत्रकार सम्मेलनमा गण्डकी प्रदेश कमिटिका सचिवालय सदस्य हरिकृष्ण श्रेष्ठ, प्रदेश सदस्य तथा बेनी नगरपालिकाका प्रमुख सुरत केसीको पनि उपस्थिति थियो ।
