बेनी, । म्याग्दीको मालिका गाउँपालिका १ मा रहेको निस्कोट माध्यमिक विद्यालयको ५३ औ वार्षिकोत्सव आइतबार सम्पन्न भएको छ ।
विद्यालय ब्यवस्थापन समितिका अध्यक्ष निराज पुनको अध्यक्षता, वडा सदस्य मानसिङ सापकोटाको प्रमुख आतिथ्यता, शिक्षक बिरबहादुर खड्का र तमबहादुर पुनको सञ्चालनमा सम्पन्न कार्यक्रममा पुुरस्कार वितरण र सम्मान गरिएको थियो ।
कार्यक्रममा विद्यालयका चन्दादाताहरुलाई सम्मान, अतिरिक्त क्रियाकलापमा बिजयी विद्यार्थीहरुलाई पुरस्कार वितरण, दोस्रो त्रैमासिक परिक्षामा प्रथम, दृतीय र तृतीय हुने विद्यार्थीहरुलाई पुरस्कार वितरण गरिएको थियो ।
मंगला गाउँपालिका ३ पखेरमा सरुवा हुनुभएका शिक्षक घनश्याम सुवेदीलाई बिदाई गरिएको थियो । कार्यक्रममा शिक्षक, कर्मचारी, विद्यार्थीहरुले नृत्य, अभिभावकहरुको भलिबल, लठो तान्ने प्रतियोगिता भएको थियो ।
शिक्षक बिनय पुनको स्वागतमा सम्पन्न कार्यक्रममा प्रअ वुुद्धीबहादुर पुन, वडा सचिव सुनिलकुमार केसी, विद्यार्थी सन्देश पुन, बालक्लवका अध्यक्ष खगेन्द्र पुन, जुुरेस अध्यक्ष एलिना पुन लगायतले मन्तब्य व्यक्त गर्नुभएको थियो ।
