बेनी । म्याग्दीको मङ्गला गाउँपालिका–१ मा रहेको थाइवाङ आधारभूत विद्यालयको ६४ औ वार्षिकोत्सव, पुरस्कार वितरण तथा चन्दादाता सम्मान कार्यक्रम बुधबार सम्पन्न भएको छ ।
विद्यालय ब्यवस्थापन समितिका अध्यक्ष टकमाया पुर्जा पुनको अध्यक्षता र शिक्षक छकबहादुर पुनको सञ्चालनमा सम्पन्न कार्यक्रममा मङ्गला गाउपालिका–१ कुहुँका वडा अध्यक्ष एकजित रोका प्रमुख अतिथि रहनुभएको थियो ।
कार्यक्रममा विद्यालयलाई सहयोग गर्ने चन्दादाताहरुलाई सम्मान, अतिरिक्त क्रियाकलापमा बिजयी विद्यार्थीहरुलाई पुरस्कार वितरणका साथै विद्यार्थी, शिक्षक–कर्मचारी र स्थानीय लालीगुराँस आमा समूहका कलाकारहरुले नृत्य प्रस्तुत गर्नुभएको थियो ।
कार्यक्रममा दिपशिखा मावि कुहुँका प्रअ डा. नन्दबहादुर खत्री, शिक्षक बलिभद्र गौतम, विद्यार्थी अभिशेक पुन, अभिभावक किसान पुनले मन्तब्य व्यक्त गर्नुभएको थियो भने प्रअ बाबुराम खत्रीले शैक्षिक, आर्थिक र प्रगति प्रतिवेदन प्रस्तुत गर्नुभएको थियो ।
