बेनी, । अखिल नेपाल महिला संघ बेनी नगरपालिका कमिटीको सोमबार बेनीमा सम्पन्न दोस्रो सम्मेलनबाट कृष्णकुसुम चन्द शाहीको अध्यक्षतामा १५ सदस्यीय कमिटि चयन भएको ।
कमिटीको उपाध्यक्षमा सुन्तली जिसी खड्का, सचिवमा शारदा राना, सहसचिवमा पुष्पा थापा र कोषाध्यक्षमा साधना श्रेष्ठ निर्वाचित हुनुभएको छ । सदस्यहरुमा निर्मला सापकोटा, लक्ष्मी सापकोटा, रेखा कुँवर, सुन्तली केसी, लक्ष्मी खत्री, अस्मिता श्रेष्ठ, माया दर्जी, रस्मिता मिजार र जानकी शर्मा निर्वाचित हुनुभएको अनेमसंघ बेनी नगरपालिका कमिटीले जनाएको छ ।
सम्मेलनको उद्घाटन गर्दै अनेमसंघका केन्द्रीय कमिटी सचिव तथा गण्डकी प्रदेश इन्चार्ज नरदेवी पुनले नेपालको लोकतान्त्रिक आन्दोलनमा अनेमसंघको भूमिका महत्वपूर्ण रहेको बताउनुभयो ।
सोही कार्यक्रममा बोल्दै नेकपा एमाले गण्डकी प्रदेश कमिटीका सचिवालय सदस्य हरिकृष्ण श्रेष्ठले एमालेले महिलाहरुलाई अगाडि बढाउन आवश्यक नीति तथा कार्यक्रमहरु तर्जुमा गरेको बताउनुभयो । एमाले गण्डकी प्रदेश सदस्य एवं बेनी नगरपालिकाका नगर प्रमुख सुरत केसीले महिलालक्षित विभिन्न कार्यक्रमहरु ल्याएको जानकारी दिँदै पालिकामार्फत सञ्चालित कार्यक्रमहरुको सदुपयोग गर्न महिलाहरुलाई सुझाव दिनुभयो ।
कार्यक्रममा प्रदेश कमिटी सदस्यद्वय खरमाया बिटालु र सिर्जना केसीले आर्थिक, राजनीतिक तथा सामाजिक हक तथा अधिकारको लागि महिलाहरु आफै अगाडि बढ्नुपर्ने बताउँदै एमाले पार्टीले महिलाहरु को उत्थानका लागि थुप्रै कामहरु गरेको बताउनुभयो । कार्यक्रममा एमाले म्याग्दीका अध्यक्ष बालकृष्ण सुवेदी, सचिव थमसरा पुन, नगर कमिटी अध्यक्ष बेलबहादुर कटुवाल र अनेमसंघ म्याग्दीका अध्यक्ष यशुदा रोकाले मन्तव्य व्यक्त गर्दै एमाले पार्टीलाई जनताको नजरमा स्थापित गराउने कार्यमा अनेमसंघको भूमिका विशेष रहेको चर्चा गर्नुभएको थियो ।
सम्मेलनको उद्घाटनसत्र अनेमसंघ बेनी नगर कमिटीको निवर्तमान अध्यक्ष मिना राम्जालीको अध्यक्षता, उपाध्यक्ष कृष्णकुसुम चन्द शाहीको स्वागत र सचिव शारदा रानाको सञ्चालनमा सम्पन्न भएको थियो । सम्मेलनको औपचारिक कार्यक्रम सुरु हुनुपूर्व जिल्ला सदरमुकाम बेनीमा ¥याली निकालिएको थियो ।
