बेनी, म्याग्दी नदीमा वेपत्ता भएका एक जना बालकको शव करिब एक महिनापछि भेटिएको छ ।
मालिका गाउँपालिका–६ दरवाङको छ्यारछ्यारे स्थित म्याग्दी नदी किनारमा खेल्ने क्रममा गत असोज ४ गते वेपत्ता भएका मालिका गाउँपालिका–१ निस्कोटका ८ वर्षीय सल्मान पट्टेलको शव फेला परेको प्रहरीले जनाएको छ ।
मंगला गाउँपालिका–३ बान्द्रे स्थित म्याग्दी नदी किनारमा भेटिएको शव मृतकका बुवाले सनाखत गरेपछि प्रक्रीया पुरा गरेर बिहिबार परिवारलाई बुझाएको प्रहरी निरीक्षक राजन रायमाझीले बताए ।
नदी किनारमा बुधबार साँझ सडेगलेको अवस्थामा शव देखेपछि बुधबार साझँ स्थानीयबासीले प्रहरीलाई खबर गरेका थिए । यसअघि प्रहरी, आफन्त र स्थानीयबासीले नदी किनारमा खोजतलास गरेपनि शव भेटिएको थिएन् ।
