जोमसोम, मुस्ताङको घरपझोङ गाउँपालिका–२ मार्फामा मंगलबार कार र मोटरसाइकल ठोक्किदा आज एक जनाको मृत्यु भएको छ ।
बेनी देखि जोमसोम जाँदै गरेको बा ७६ प ४२१० नम्बरको मोटरसाइकल र जोमसोमदेखि लेतेतर्फ जादै गरेको ना १ च ७६९२ नम्बरको कार मार्फाको खाद्य सामग्रीको भवन नजिकै एक आपसमा ठोक्किएर दुर्घटना भएको हो ।
दुर्घटनामा घाइते भएका गोखराको आरुघाट गाउँपालिका–९ चनौलेका ३३ वर्षीय सञ्जय खड्कालाई उद्दार गरेर जिल्ला अस्पताल जोमसोम पु¥याउँदा चिकित्सकले मृत घोषणा गरेका जिल्ला प्रहरी कार्यालय मुस्ताङका प्रमुख प्रहरी नायव उपरीक्षक सुर्यबहादुर बोगटीले बताउनुभयो ।
कार चालक सुन्दर ट्वाटीलाई नियन्त्रणमा लिएको र शवलाई परिक्षणका लागि अस्पतालको शवगृहमा राखिएको प्रनाउ बोगटीले बताउनुभयो । उहाँका अनुसार मृतक खड्का काठमाडौ देखि साथीहरुसँगै उपल्लो मुस्ताङ घुम्न आएका थिए ।
