बेनी। म्याग्देली गायक प्रकाश दुतराजले दशैं छेकोमा नयाँ गीत ‘रेशम’ ल्याएका छन् । सोमबार सार्वजनिक यो सुमधुर गीतमा मेलिना राईसँग र उनको युगल स्वर समावेश छ ।
भेडीगोठालाको प्रेमकथामा आधारित म्युजिक भिडियोलाई भेडीगोठमै छायांकन गरिएको छ ।
शब्द र संगीत पनि दुतराजकै हो । भेडा गोठालाको प्रेमकथालाई चित्रण गरिएको म्युजिक भिडियो सुखान्तमा टुंगीएको छ । पुर्वी रुकुम, बागलुङ र म्याग्दी जिल्लामा फैलिएको ढोरपाटन शिकार आरक्षको बुकी क्षेत्रमा भिडियोको छायांकन गरिएको हो ।
भिडियोमा दुतराजसँगै विमला लिम्बुको अभिनय छ । नृत्य निर्देशन मौसम हिमालीको हो । कलाकार दुतराजले ल्याएका थुप्रै गीतहरु यसअघि युटुब टेण्डिङमा रहेका थिए भने करोड क्लबमा समेत पुगिसकेका छन् ।
https://www.youtube.com/watch?v=nAekOFE4qkw
