बेनी, म्याग्दीको अन्नपूर्ण गाउँपालिका–५ शिख, हिलादेमा आगोले जलेर एक जना वृद्धको मृत्यु भएको छ ।
पाउद्धारका ६७ वर्षीय कालुु परियारको आगोले जलेर मृत्यु भएको जिल्ला प्रहरी कार्यालय म्याग्दीले जनाएको छ । घटनास्थल पुुगेका प्रहरी निरीक्षक राजन रायमाझीका अनुसार बिहिबार खाना खाएर सुतेका परियारको राती गोठ आगोलागी हुँदा जलेर मृत्यु भएको हो ।
कालु सुुतेको नरबहादुर बि.क.को ढुुंगा, माटोले बनेको र निगालोको चोयाले बुनेको चित्राले छाएको र बारेको घर आगोले जलेर नष्ट भएको छ । राती १ बजे लागेको आगो बिहान ३ बजे नियन्त्रणमा आएको थियो ।
मृतक परियार आँखा कम देख्ने र काम कम सुन्ने गनुुहुुन्थ्यो । पाउद्धार घर भएका अबिवाहित परियार केही दिनदेखि आगोलागी भएको घरमा आश्रय लिएर बस्नुभएको थियो । घरधनीका परिवार केही परको घरमा बस्दै आएका छन् । आगो लागेको घर एकान्तमा छ ।
मृतकको शव परिक्षणका लागि बेनी अस्पतालमा ल्याइएको र आगोलागीको कारण नखुलेको प्रहरी निरीक्षक रायमाझीले बताउनुभयो । मृतकले नरबहादुरकहाँ आएर आरनको काममा सहयोग गर्ने र खाना मागेर खाने गर्नुहुुन्थ्यो । आरनबाट आगो सल्केको हो की विद्युुत सर्ट भएको हो भन्ने विषयमा अनुसन्धान भइरहेको छ ।
