मल्लाज,। पर्वतको जलजला गाउँपालिकाको मल्लाजमा वडा दशै पर्वको अवसरमा यही असोज १४ देखि २५ गतेसम्म खेलकुद तथा सांस्कृतिक कार्यक्रम आयोजना भएको छ ।
मल्लाजको हिमशुसेली युवा क्लवले कोतघर परिसरमा पुरुष भलिबल, बास्केटबल, बाल भलिबल, पौद्ध भलिबल, छेलो र खुल्ला नृत्य प्रतियोगिता आयोजना गरेको हो ।
भलिबल प्रतियोगिताको बिजेतालाई रु. एक लाख एक हजार पाँच सय ५५ र उपबिजेतालाई ५१ हजार पाँच सय ५५ नगद पुरस्कारको साथमा ट्रफी, मेडल र प्रमाणपत्र प्रदान गरिने क्लवका अध्यक्ष सागर लामिछाने क्षेत्रीले बताउनुभयो ।
पुरुष बास्केटबलमा बिजेता र उपबिजेतालाई रु. ५५ हजार पाँच सय ५५ र रु. २७ हजार सात सय ७७, पौद्ध भलिबलको बिजेतालाई रु. ५१ ह्जार एक सय ११ र उपबिजेतालाई रु. २७ हजार सात सय ७७ पुरस्कार प्रदान गरिने भएको छ ।
उत्कृष्ट खेलाडी, स्पाईकर, सेटर, बलकर, डिफेण्डर, सर्भरलाई पनि पुरस्कारको व्यवस्था रहेको छ । स्थानीय तथा राष्ट्रिय कलाकारहरुको गित र नृत्य प्रस्तुत हुने मेलाको तयारी तिब्र बनाएको क्लवले जनाएको छ ।
