बेनी, । म्याग्दीको बेनीमा शनिबार देखि तेस्रो दोभान कप अन्तर विद्यालय छात्रा फुटबल प्रतियोगिता–२०८१ शुरु भएको छ ।
बेनीको न्यु दोभान युवा क्लवका पुर्व अध्यक्ष अनन्त गिरीको स्मृतिमा तीन दिनसम्म सञ्चालन हुने सेभेन ए साइड फुटबल प्रतियोगितामा छ वटा विद्यालय सहभागी भएका छन् ।
प्रतियोगिताको उद्घाटन खेल बेनी सामुदायिक मावि र न्यु वेष्ट पोइन्ट आवासीय मावि बिच भएको थियो । निर्धारित ९० मिनेटको समयमा दुवै पक्षबाट गोल नभएपछि ट्राइबे्रकरमा बेनी सामुदायिकले वेष्ट पोइन्टलाई दुई का विरुद्ध तीन गोलले पराजित ग¥यो ।
वेष्ट पोइन्टलाई पराजित गरेको बेनी सामुदायिक सेमी फाइनलमा प्रकाश माविसँग हा¥यो । प्रकाश मावि फाइनलमा पुगेको छ । प्रतियोगितामा बिजेता र उपबिजेताले ४५ र २५ हजार रुपैयाँ नगदसहित मेडल, ट्रफी र प्रमाणपत्र प्राप्त गर्ने न्यु दोभान युवा क्लवका अध्यक्ष उपेन गिरीले बताउनुभयो ।
प्रतियोगिताको उत्कृष्ट खेलाडी, सर्वाधिक गोलकर्ता, उत्कृष्ट गोलरक्षकलाई तीन–तीन हजार र अनुशासित टिमलाई पाँच हजार रुपियाँ नगद पुरस्कार प्रदान गरिने उहाँले बताउनुभयो । छात्राहरुमा रहेको फुटबल प्रतिभा उजागर गर्नका लागि क्लवले विगत तीन वर्षदेखि नियमित रुपमा छात्रा फुटबल प्रतियोगिताको आयोजना गरिरहेको क्लवका सचिब बिशाल कार्कीले बताउनुभयो । प्रतियोगिताको शुक्रबार बेनी नगरपालिका–७ का अध्यक्ष तथा बेनी नगर कार्यपालिकाका प्रवत्ता रमेश कुमार श्रेष्ठले उद्घाटन गर्नुभएको थियो ।
