बेनी, । म्याग्दी प्रवासी नेपाली संघ (मोना) अस्टे«लीयालाई नाई संस्थाले सम्मान गरेको छ ।
प्रवासमा नेपाली समुदाय बिच खेलकुद र सामाजिक क्षेत्रमा उत्कृष्ट कार्य गरे वापत नाई संस्थाले मोना अस्टे«लीयालाई सम्मान गरेको हो ।
नाई संस्थाका अध्यक्ष रिमा रोसी र एनआरएनए अस्टे«लीयाका अध्यक्ष अनिल पोख्रेलले मोना अस्टे«लीयाका संस्थापक अध्यक्ष उत्तम पुन र वर्तमान अध्यक्ष इन्द्र थापा मगरलाई शनिबार भएको कार्यक्रममा सम्मानपत्र हस्तान्तरण गर्नुभएको थियो ।
अस्टे«लीयामा रहेका म्याग्देलीहरु आवद्ध मोना अस्टे«लीयाले त्यहाँ रहेका म्याग्देली सहित नेपालीहरुलाई अप्ठ्यारो अवस्थामा सघाउने, खेलकुद प्रतियोगिता, जिल्लाको विपद् ब्यवस्थापन, पर्यटन प्रर्वद्धन लगायत सामाजिक काममा सघाउदै आएको छ ।
सम्मानले सामाजिक काम र प्रवासी नेपाली तथा म्याग्देलीहरुको लागि थप काम गर्न प्रेरित गरेको मोना अस्टे«लीयाका अध्यक्ष थापाले बताउनुभयो । उहाँले सम्मानप्रति नाई संस्थाप्रति धन्यवाद पनि ज्ञापन गर्नुभएको छ ।
