बेनी, । नेपाल विद्युत प्राधिकरण अन्र्तगतका म्याग्दी स्थित वितरण केन्द्र र आयोजनाहरुले मंगलबार बृक्षारोपण गरेका छन् ।
नेपाल विद्युत प्राधिकरणको देशब्यापी कार्यक्रम अन्र्तगत म्याग्दी बितरण केन्द्र, राहुघाट जलविद्युत आयोजना र डाडाखेत–राहुघाट जलविद्युत आयोजनाले वृक्षारोपण गरेका हुन् ।
राहुघाट जलविद्युत आयोजनाका प्रर्वद्धक रघुगंगा हाइड्रोपावरका प्रबन्ध सञ्चालक गणेश केसी, आयोजना प्रमुख राज बिष्ट लगायतले पिप्ले स्थित कार्यालय परिसरमा करिब २०० फुल प्रजातिका बिरुवा रोप्नु भएको थियो ।
डाडाखेत राहुघाट प्रशारण लाइन आयोजनाका प्रमुख रोशन अग्रवाल लगायत कर्मचारी र ठेकेदार कम्पनी एलएनटीका कर्मचारीहरुले रघुगंगा गाउँपालिका–३ आम्वाङमा निर्माणाधिन सवस्टेशन परिसरमा वृक्षारोपण गर्नुभएको छ ।
गुलमोहर, कल्कीफुल, पारिजात, कपुर लगागत प्रजातिका १५० बिरुवा रोपिएको डाडाखेत–राहुघाट प्रशारण लाइन आयोजनाका प्रशासकीय अधिकृत मातृका तिमिल्सीनाले बताउनुभयो ।
