बेनी, । नेकपा (माओवादी केन्द्र) निकट विद्यार्थी संगठन अनेरास्ववीयु क्रान्तिकारीको जिल्ला सम्मेलन आगामी भदौ १३ गते हुने भएको छ ।
संगठनको शुक्रबार बेनीमा बसेको बैठकले कमिटिको नयाँ नेतृत्व चयन गर्न भदौ १३ गते जिल्ला सम्मेलन गर्ने निर्णय गरेको विद्यार्थी नेता धनकुमार रोकाले जानकारी दिनुभयो ।
जिल्ला सम्मेलनको तयारीका लागि सदस्यता विस्तार र संगठन निर्माण लगायतका अभियान चलाउन जिम्मेवारी बाँडफाड गरिएको छ ।
नेकपा माओवादी केन्द्र म्याग्दीका जिल्ला ईञ्चार्ज गोविन्द पौडेल, गण्डकी प्रदेश सहसचिव टेकबहादुर बिक, संयोजक शेरबहादुर केसी, सचिव कुशल पौडेल, अखिल क्रान्तिकारी गण्डकीका अध्यक्ष सुदिन पौडेल लगायतको उपस्थितिमा बैठक बसेको थियो ।
