![Add Samajik bikash office](https://dhaulagirikhabar.com/wp-content/uploads/2024/06/Add-Samajik-bikash-office-3.jpg)
गलेश्वर। म्याग्दीको बेनी नगरपालिका ९ मा रहेकोे प्रसिद्ध धार्मिक स्थल गलेश्वरमा बहुउद्देश्यिय सभाहल निर्माण भएको छ ।
गलेश्वर जेष्ठ नागरिक आश्रममा बसोबास गर्ने जेष्ठ नागरिकहरुको सुविधाका लागि निर्माण गरिएको सभाहलको बेनी नगरपालिका ९ का वडा अध्यक्ष चक्र केसी र गलेश्वर शिवालय क्षेत्र विकास कोषका अध्यक्ष माधवप्रसाद रेग्मीले उद्घाटन गर्नुभयो ।
रु. १८ लाख ४९ हजार ६५० को लागतमा निर्माण भएको प्रिफेक प्रबिधिको सभाहलको क्षमता १३० जना रहेको छ । भवन निर्माण समितिका कोषाध्यक्ष लक्ष्मण चालिसेले रु. १९ लाख ७४ हजार २७६ लागत अनुमान गरिएको सभाहल अनुमान भन्दा कम खर्चमा सम्पन्न गरेको बताउनुभयो ।
![Shreekrishna hardwear in news](https://dhaulagirikhabar.com/wp-content/uploads/2023/10/Shree-Krishna-Hardware.gif)
![](https://dhaulagirikhabar.com/wp-content/uploads/2024/07/Glashower-Community-Building1-1024x575.jpg)
![Bhautik ministry notice about road](https://dhaulagirikhabar.com/wp-content/uploads/2023/10/Bhautik-ministry-notice-scaled.jpg)
सामुदायिक स्वास्थ्य इकाईको भवनमा तला थप गरेर सभाहल बनाइएको हो । सभाहल निर्माणका लागि गलेश्वर शिवालय क्षेत्र विकास कोषले रु. १५ लाख सहयोग गरेको अध्यक्ष रेग्मीले बताउनुभयो । उहाँका अनुसार गलेश्वर मन्दिरमा भक्तजनले चढाएको भेटिको रकम मध्यबाट सभाहल बनाउन सहयोग गरिएको हो ।
यसैगरी गलेश्वरधाम जेष्ठ नागरिक आश्रमको रु. ३ लाख ४९ हजार ६५० लगानी भएको छ । भवनमा म्याग्दी प्रवासी नेपाली संघ (मोना) कतारले रु. ५० हजार मुल्य बराबरको सोफासेट र पोडिएम उपलब्ध गराएको प्रतिनिधी बालकृष्ण खत्रीले बताउनुभयो ।
सभाहल निर्माण भएपछि जेष्ठ नागरिकहरुलाई भजनकिर्तन गर्न, कार्यक्रम सञ्चालन गर्न र आश्रय लिनका लागि सहज हुने गलेश्वरधाम जेष्ठ नागरिक आश्रमका अध्यक्ष बमबहादुर पुनले बताउनुभयो ।
यसअघि जेष्ठ नागरिक भजनकिर्तनका लागि गलेश्वर मन्दिरमा जाने गरेका थिए । खुल्ला ठाउँमा कार्यक्रम आयोजना गर्नुपर्ने समस्या थियो । आश्रममा हाल ५० जना जेष्ठ नागरिक रहेका छन् ।
![Gandaki dadelo notice](https://dhaulagirikhabar.com/wp-content/uploads/2023/05/Add-aantarik-mamila-upabhokta.jpg)