![Add Samajik bikash office](https://dhaulagirikhabar.com/wp-content/uploads/2024/06/Add-Samajik-bikash-office-3.jpg)
वेनी, डिभिजन वन कार्यालय म्याग्दीले मंगलबार ३ वटा सामुदायिक वन उपभोक्ता समूह, १÷१ जना कर्मचारी र पत्रकारलाई पुरस्कृत गरेको छ ।
मंगला गाउँपालिका–५ को आरुबोट, मालिका गाउँपालिका–६ को पातल ठूलोचौर गोजा रातोभिर र बेनी नगरपालिका–५ भिरमुनीको चिप्लरी सिमपाखो सामुदायिक वन उपभोक्ता समूहलाई पुरस्कृत गरेको हो ।
जिल्ला समन्वय समिति म्याग्दीका प्रमुख राजकुमार थापा, डिभिजन वन कार्यालय म्याग्दीका प्रमुख बिष्णुप्रसाद अधिकारी, वन अधिकृत चन्द्रमणी सापकोटाले आरुबोट, पातल ठूलोचौर र चिप्लरी सिमपाखोका पदाधीकारीलाई क्रमश नगद रु. १० हजार, ७ हजार र ५ हजार नगद सहित प्रशंसापत्र प्रदान गर्नुभएको थियो ।
![Shreekrishna hardwear in news](https://dhaulagirikhabar.com/wp-content/uploads/2023/10/Shree-Krishna-Hardware.gif)
![Bhautik ministry notice about road](https://dhaulagirikhabar.com/wp-content/uploads/2023/10/Bhautik-ministry-notice-scaled.jpg)
![](https://dhaulagirikhabar.com/wp-content/uploads/2024/07/IMG_7137-1024x683.jpg)
यसैगरी कार्यालयका वरिष्ठ प्रशासन सहायक गोविन्द सुवेदी र पत्रकार हरिकृष्ण गौतमलाई दोसल्ला ओढाएर सम्मान गरिएको थियो । सिर्जनशिल, जटिल र नया किसिमको काम गर्ने सामुदायिक वन उपभोक्ता समूहलाई छनौट गरेर पुरस्कृत गरिएको डिभिजन वन अधिकृत अधिकारीले बताउनुभयो ।
आरुबोट र चिप्लरी सामुदायिक वन उपभोक्ता समुहले अतिक्रमण हटाएर वन क्षेत्र विस्तार गरेका छन भने पातल ठूलोचौर सामुदायिक वन उपभोक्ता समूहले वन व्यवस्थापन गरेको वन अधिकृत सापकोटाले बताउनुभयो ।
म्याग्दीमा रहेका ३११ वटा मध्य सव वन डिभिजन कार्यालयहरुको सिफारिसको आधारमा मूल्याङ्कन र पुरस्कृत गरिएको वन अधिकृत रिता खत्रीले बताउनुभयो । कार्यक्रममा जिल्ला समन्वय समितिका प्रमुख थापाले वन, वातावरण र विकासको सन्तुलन कायम गर्नुपर्ने बताउनुभयो ।
![Gandaki dadelo notice](https://dhaulagirikhabar.com/wp-content/uploads/2023/05/Add-aantarik-mamila-upabhokta.jpg)