बेनी, म्याग्दीको धवलागिरी गाउँपालिका–५ मलम्पारमा एक जनाको हत्या भएको छ ।
मलम्पारका सोमबहादुर छन्त्यालले चिर्पट प्रहार गरेर ४२ वर्षीय धनबहादुर छन्त्यालको हत्या गरेका जिल्ला प्रहरी कार्यालय, म्याग्दीले जनाएको छ ।
मंगलबार राती छन्त्याल दाजुभाईबीच भएको झगडाका क्रममा सोमबहादुरले चिर्पट प्रहार गर्दा धनबहादुरको घटनास्थलमै मृत्यु भएको जिल्ला प्रहरी कार्यालय म्याग्दीका प्रहरी निरीक्षक राजन रायमाझीले जानकारी दिए ।
सोमबहादुर भाई र धनबहादुर एकै घरका दाजु हुन् । हत्यामा संलग्न ३९ वर्षीय सोमबहादुर लाई इलाका प्रहरी कार्यालय दरवाङबाट प्रहरी निरीक्षक सोमदास ढकालको नेतृत्वमा गएको टोलीले बुधबार दिउँसो नियन्त्रणमा लिएर अनुसन्धान अघि बढाएको छ ।
