बेनी, । भु तथा जलाधार संरक्षण कार्यालय पर्वतले म्याग्दीका कृषकलाई वितरण गर्न ३० हजार घाँसका बिरुवा उत्पादन गरेको छ ।
बेनीमा रहेको नर्सरीमा कार्यालयको वार्षिक कार्यक्रम र बेनी नगरपालिकाको सहयोगमा १५÷१५ हजार बिरुवा उत्पादन भएको हो । कार्यालयको बेनी सेवा केन्द्रका पुर्व प्रमुख शम्भुकुमार मिश्रले यही असार २० गतेदेखि बिरुवा वितरण गरिने जानकारी दिनुभयो ।
“पशुपालक कृषकहरुलाई घास आपुर्तिका साथै कटान, पहिरो र भुक्षय रोकथामका लागि राईखन्यु र निमारो प्रजातीका बिरुवा उत्पादन गरेका छौ,” उहाँले भन्नुभयो “उत्पादित बिरुवा कृषकहरुलाई निशूल्क वितरण गर्छौ ।” २० हजार निमारो र १० हजार राईखन्यु प्रजातिका बिरुवा उत्पादन भएको छ ।
