![Add Samajik bikash office](https://dhaulagirikhabar.com/wp-content/uploads/2024/06/Add-Samajik-bikash-office-3.jpg)
बेनी । पर्वतको जलजला गाउँपालिकाले कृषकहरुलाई सुन्तला जात फलफुलका बिरुवा वितरण गर्न थालेको छ ।
गाउँपालिकाको कृषि शाखाले टोल विकास संस्था र कृषक समूहलाई सुन्तला र कागतीका बिजु र कलमी विरुवा वितरण गर्न शुरु गरेको हो । बर्खे भरी शुरु भएको असार महिना सुन्तलाका बिरुवा रोप्नका लागि उपयुक्त याम हो ।
![Bhautik ministry notice about road](https://dhaulagirikhabar.com/wp-content/uploads/2023/10/Bhautik-ministry-notice-scaled.jpg)
जलजलाको कृषि शाखाका अधिकृत राजुप्रसाद गौतमले ५० प्रतिशत अनुदानमा ७ हजार सुन्तला जात बिरुवा वितरण गर्न थालिएको बताउनुभयो । तल्लो भेगका कृषकलाई मिलनचोक स्थित कृषि शाखा र माथिल्लो भेगका कृषकलाई लेकफाँटको नर्सरीबाट बिरुवा वितरणको व्यवस्था मिलाएको उहाँले बताउनुभयो ।
![Shreekrishna hardwear in news](https://dhaulagirikhabar.com/wp-content/uploads/2023/10/Shree-Krishna-Hardware.gif)
कृषि अधिकृत गौतमका अनुसार सुन्तलाका ४ हजार बिजु र १ हजार १२० कलमी, कागतीको १ हजार २०० बिजु र ७५० वटा कलमी बिरुवा वितरण गर्ने लक्ष्य रहेको छ । सुन्तला जात फलफुल बिरुवा वितरणका लागि गाउँपालिकाले चालु आर्थिक वर्ष २०८०÷०८१ मा रु. २ लाख बजेट बिनियोजन गरेको थियो ।
जलजलाको बाँसखर्क गण्डकी प्रदेशमै धेरै सुन्तला उत्पादन हुने गाउँ हो । वडा नं. २, ३, ४, ५, ६, ७, ८ र ९ नम्बर वडाको भूगोलमा पनि सुन्तला खेती हुने गरेको छ । नगद र अन्नबालीको तुलनामा बढी फाइदा हुने भएकाले कृषकहरु सुन्तला खेतीतर्फ आकर्षित भएका छन् ।
![Gandaki dadelo notice](https://dhaulagirikhabar.com/wp-content/uploads/2023/05/Add-aantarik-mamila-upabhokta.jpg)