पोखरेबगर । म्याग्दीको अन्नपूर्ण गाउँपालिकामा आइतबार बाल सञ्जाल गठन भएको छ ।
गाउँपालिकाको केन्द्र पोखरेबगरमा भएको बाल क्लवका प्रतिनिधीहरुको भेलाले सृष्टि बरुवालको अध्यक्षतामा अन्नपूर्ण बाल सञ्जाल गठन गरेको हो ।
२ दिनसम्म सञ्चालन भएको भेलाबाट गठन भएको सञ्जालको उपाध्यक्षमा विजय लामा, सचिवमा संगम विक, सहसचिव आगमन सुनाम र कोषाध्यक्षमा सुस्मिता किसान रहनु भएको छ ।
सदस्यहरुमा सोनिया पूर्जा, एन्जल थजाली, पृथिराम रोका, आरोषी तिलिजा, युता थजाली, राहुल खड्का, अनुज पूर्जा, दिया रन्तिजा, लिला गर्बुजा, कृतिस परियार रहेका छन् । भेलाले पारित गरेको कार्यक्रमहरु गाउपालिका अध्यक्ष भरत पुन, प्रमुख प्रशासकीय अधिकृत अमृत सुबेदीलाई हस्तान्तरण गरिएको थियो ।
बालबालिकाको अधिकार, बाल क्लवको स्थापना र सञ्चालन लगायतका विषयमा विज्ञ विनोद धौलागिरीले सहजीकरण गर्नुभएको थियो । नवनिर्वाचित अध्यक्ष सृष्टि बरुवालले गाउँपालिकालाई बालश्रम मुक्त घोषाण गदैं बालबालिका अनुकुल निति बनाउने, बालबालिकाको क्षेत्रमा बजेट विनियोजन तथा क्षमता विकास सहितका कार्यहरुमा सहयोग गर्न गाउँपालिकालाई अनुरोध गर्नुभयो ।
अन्नपूर्णभित्रका बालबालिकालाई लक्षित गरी विभिन्न योजना तथा बालबालिका केन्द्रित कार्यक्रमलाई प्रोत्साहन गर्ने गाउँपालिका अध्यक्ष पुनको भनाई छ ।
