बेनी, । नेपाल पत्रकार महासंघ म्याग्दी शाखा गण्डकी प्रदेशमा उत्कृष्ट भएको छ ।
नेपाल पत्रकार महासंघ गण्डकी प्रदेशको चौथो साधारणसभा तथा तेस्रो अधिवेशनको अवसरमा संस्थागत मर्यादा र ब्यवसायिक निष्ठापूर्वक कार्य गरेको भन्दै उत्कृष्ट शाखाको रुपमा सम्मान गरिएको हो ।
बुधबार विहान पोखरामा आयोजित साधारणसभा तथा अधिवेशनको अवसरमा गण्डकी प्रदेश प्रमु्ख डिल्लिराज भट्ट, महासंघ गण्डकी प्रदेश अध्यक्ष नारायण शर्माले म्याग्दी शाखाका अध्यक्ष प्रकाश पौडेललाई सम्मानपत्र र दोसल्ला ओढाएर सम्मान गर्नुभएको थियो ।
पत्रकार महासंघ म्याग्दीले संस्थागत विकास, शुद्धिकरण अभियान र पेशागत हकहितका लागि गरेका कार्यको प्रशंसा गरिएको थियो । गण्डकी प्रदेशका ११ जिल्लामा उत्कृष्ट शाखा भएको पत्रकार महासंघ म्याग्दी शाखा पहिलोपटक प्रदेशमा उत्कृष्ट भएको छ ।
‘प्रदेशकै उत्कृष्ट शाखा हुन सबैको योगदान छ,’ अध्यक्ष प्रकाश पौडेलले भन्नुभयो “संस्थाको यो गरिमालाई थप उचाईमा पु¥याउछौ ।”
२०६३ सालमा स्थापाना भएको शाखा निवर्तमान अध्यक्ष तारानाथ शर्माको कार्यकालमा जिल्लामा क्रियाशिल राजनीतिक दलहरु र बेनी नगरपालिकासँग समन्वय गरी भाडामा जग्गा ब्यवस्थापन गरेको थियो । अध्यक्ष पौडेलको नेतृत्वमा भवन मर्मत गरेर आफ्नै भवनबाट कार्यालय संचालन गरिरहेको छ ।
