बेनी । म्याग्दीको बेनी नगरपालिका– ९ तोरीपानी र वडा नं. १० पात्लेखेतमा मंगलबार वित्तीय साक्षरता कार्यक्रम सम्पन्न भएको छ ।
प्रभु बैंक लिमिटेड बेनी शाखाको आयोजनामा तोरीपानीको गलेश्वर माविका विद्यार्थी र पात्लेखेत युवा क्लवका सदस्यहरुलाई वित्तीय साक्षरता सम्बन्धी प्रशिक्षण दिइएको हो ।
‘आफ्नो पैसाको रक्षा गरौ, आफ्नो भविष्यको सुरक्षा गरौ’ भन्ने नाराका साथ ग्लोबल मनी सप्ताह २०२४ को अवसरमा कार्यक्रम गरिएको बैंकका सहायक प्रबन्धक सहदेव अधिकारीले जानकारी दिनुभयो ।
तोरीपानीमा ६० जना र पात्लेखेतमा २० जनाको सहभागिता रहेको थियो । प्रभु बैंकको बेनी शाखाका प्रबन्धक बिनोद केसीले बैंकका सुविधा, फाइदा, बचत र कारोबार गर्दा ध्यान दिनुपर्ने विषय, पुजिँ निर्माण, ऋणको प्रभावकारी परिचालनका विषयमा जानकारी गराउनु भएको थियो ।
