पोखरा । गण्डकी प्रदेशमा यही फागुन ४ गते शुक्रबार सार्वजनिक बिदा हुने भएको छ ।
मुख्यमन्त्री तथा मन्त्रिपरिषद कार्यालयले बुधबार सूचना निकालेर शुक्रबार बिदा दिइएको उल्लेख गरेको छ । कार्यालयका उपसचिव प्रवीण ढकालले निकालेको सूचनामा फागुन ४ गते शुक्रबारका दिन सार्वजनिक बिदा दिइएको उल्लेख छ ।
गण्डकी प्रदेश स्थापना दिवसका अवसरमा सार्वजनिक बिदा दिने निर्णय भएको हो । स्थापना दिवसको अवसरमा प्रदेश सरकार अन्र्तगतका कार्यालयहरुमा बुधबारदेखिनै दिपावली गरिएको छ ।
