बेनी, म्याग्दीको रघुगंगा गाउँपालिकामा आज रुखले किचेर एक जना महिलाको ज्यान गएको छ ।
रघुगंगा गाउँपालिका–३ मौवाफाँट फुलबारीमा दाउरा काट्ने क्रममा रुख ढलाउने क्रममा किचेर स्थानीय ४८ वर्षीया माया गर्बुजाको मृत्यु भएको हो ।
जिल्ला प्रहरी कार्यालय म्याग्दीका प्रहरी निरीक्षक कुमार गुरुङले रुख ढल्न लाग्दा भाग्ने क्रममा चोट लागेर घाइते भएकी गर्बुजालाई उपचारका लागि बेनी अस्पताल ल्याउँदा चिकित्सकले मृत घोषणा गरेका बताउनुभयो ।
फुुलबारीका मानबहादुर भण्डारीको घरमा माया श्रीमान नविनसँगै टुनीको दाउरा काट्न जानुभएको थियो । नविनले रुख ढलाउने मेसिन चलाउने र मानबहादुर भण्डारीले बाटोमा मानिस हेर्न बस्नुभएको थियो । भाग्ने क्रममा रुख ढलेर मायाको टाउकोमा चोट लागेको थियो । मायाको शव परिक्षणका लागि बेनी अस्पतालमा राखिएको छ ।
