बेनी, । स्थानीय तहमा कार्यरत कर्मचारीहरूको साझा संस्था स्थानीय सेवा कर्मचारी संजाल नेपाल, जिल्ला कार्यसमिति गठन भएको छ ।
बेनी नगरपालिकाको सभाहलमा शुक्रबार भएको जिल्ला भेलाबाट अन्नपूर्ण गाउँपालिकाका ईन्जिनियर ईश्वर बहादुुर भण्डारीको संयोजकत्वमा १३ सदस्यीय कार्यसमिति गठन भएको हो ।
समितिको उपाध्यक्ष अनिता कुमारी शर्मा (मंगला), सचिव कमलप्रसाद ढकाल (बेनी नगरपालिका), सहसचिव सागर पौडेल (मालिका), कोषाध्यक्ष धनबहादुर बोहोरा (मंगला) रहनुभएको छ ।
सदस्यहरूमा गोकुल शर्मा (बेनी नगरपालिका), हरिकृष्ण आचार्य (अन्नपूर्ण), खगराज सुबेदी (रघुगंगा), अशोक रिजाल (मालिका), ख्यामराज सुबेदी (धवलागिरी), प्रदिप गौतम (बेनी), रोशनकुमार महतो (मंगला) चयन हुनुभएको छ ।
सोही अवसरमा जिल्ला कार्यसमितिका संयोजक भण्डारीको संयोजकत्वमा सदस्यहरू माधबप्रसाद भुषाल (बेनी नगरपालिका), प्रेम पराजुली अन्नपूर्ण गापा, तिलक रोका धौलागिरी गापा, भबिलाल उपाध्याय मंगला गापा, सागर पौडेल मालिका गापा र कुशल ढुंगाना रघुगंगा रहेको आर्थिक समिति समेत गठन गरिएको छ ।
भेलाबाट यही माघ महिनाको २९ गते पोखरामा हुने गण्डकी प्रदेशस्तरीय भेलामा उल्लेखीय सहभागिता हुने निर्णय समेत गरेको संयोजक भण्डारीले बताउनुभयो । बेनी नगरपालिका शिक्षा अधिकृत कमलप्रसाद ढकालको अध्यक्षतामा भएको भेला गण्डकी प्रदेश संघर्ष समिति संयोजक कमल घर्ती प्रमुख आतिथि रहनुभएको थियो ।
केन्द्रिय सदस्य गणेशबहादुर कटुवाल, गण्डकी प्रदेश सहसंयोजक शेरबहादुर खाती, बेनी नगरपालिका निमित्त प्रशासकीय अधिकृत यूवराज थापा लगायत म्याग्दीका सबै पालिकाका स्थानीय तहका कर्मचारीको उपस्थिती रहेको थियो ।
संघर्षरत स्थानीय तहका कर्मचारी र सरकार बीच भएको १९ बुँदे सहमतिलाई कार्यान्वय गर्न माग गरेका छन् । नागरिकको सबैभन्दा नजिकको सरकार स्थानीय तहलाई स्थानीय तहका कर्मचारीलाई हेर्ने दृष्टिकोण र दिने सेवा सहित अन्य विभेदमा प्रावधानहरु हटाउन नसक्दा एकै निकायमा काम गर्ने कर्मचारीको कामको प्रकृति एउटै भएपनि सुविधा लगायतमा चरम बिभेद रहेको छ । म्याग्दी स्थानीय तह कर्मचारी तदर्थ समितिका संयोजक भण्डारीले स्थानीय तहले पेशागत जिम्मेबारीसँगै कर्मचारीको हकहितका लागि निरन्तर सक्रिय रहने प्रतिबद्धता जनाउनुभयो ।
