बेनी । रोटरी क्लव अफ कान्तिपुरले पर्वतको जलजला गाउँपालिकाको मल्लाजका विद्यार्थीलाई शुक्रबार छात्रवृत्ति बितरण गरेको छ ।
क्लबद्धारा स्थापित निर्मला ब्यास छात्रवृत्ति कोषबाट विद्याज्योती माविका १५ जना र आरसिके हेल्पीङ ह्याण्ड्स फर नेपाल कार्यक्रम मार्फत अन्य तीन वटा विद्यालयका २५ जना गरिब तथा जेहेन्दार बिद्यार्थीलाई छात्रवृत्ति बितरण गरिएको हो ।
समाजकल्याण आधारभूतका १०, विन्धबासीनी आधारभूतका ५, फट्केढुङगा आधारभूतका १० जनालाई जनही रु. दुई हजार पाँच सयका दरले छात्रवृत्ति वितरण गरिएको छ । यसैगरी विद्याज्योती माविका १५ जनालाई जनही रु. चार हजारका दरले वितरण गरिएको थियो ।
वडा सदस्य ठाकुरप्रसाद रेग्मीको अध्यक्षतामा भएको कार्यक्रममा जलजला गाउँपालिकाका अध्यक्ष राजुप्रसाद आचार्य, क्लवका पुर्ब अध्यक्ष समेत रहनुभएका माझफाँटका ध्रुब कुँवरले छात्रवृत्ति बितरण गर्नुभयो ।
आरती नेपालीको सञ्चालनमा सम्पन्न कार्यक्रममा विद्याज्योती माविका प्रअ रघुनाथ आचार्य र समाजकल्याण आधारभूत विद्यालयका शिक्षक इन्द्रबहादुर विश्वकर्माले मन्तब्य व्यक्त गर्नुभएको थियो ।
