सिंगामा ब्याडमिन्टन कोर्ट निर्माण

Annapurna notice 3

सिंगा, । म्याग्दीको बेनी नगरपालिका–४ सिंगामा ब्याडमिन्टन कोर्ट निर्माण भएको छ ।

बेनी नगरपालिकाको सहयोगमा स्थानीयबासीले श्रमदान जुटाएर सिंगाको राजीकुलोमा श्रमदान जुटाएर ब्याडमिन्टन खेल्न मिल्ने खेलमैदान बनाएका हुन् । १८ मिटर लम्बाई र १२ मिटर ढलान भएको खेलमैदान निर्माण गरिएको वडा अध्यक्ष अणबहादुर खड्का (भगवान)ले बताउनुभयो ।

“ब्याडमिन्टन कोर्ट बनाउन वडा कार्यालयको प्रस्ताव र सिफारिसमा बेनी नगरपालिकाले चालु आर्थिक वर्ष २०८०÷०८१ मा रु. तीन लाख बजेट बिनियोजन गरेको थियो,” उहाँले भन्नुभयो “उपभोक्ताहरुले थप रु. एक लाख पचास हजार बराबरको श्रमदान गरेर खेलमैदान बनाएका हुन् ।”

Shreekrishna
DRM Notice 1

राजीखोलाको किनारमा रहेको पाखो सम्माउने, पर्खाल बनाउने र घेराबार गरिएको छ । खेलमैदानको डिलतर्फ जस्तापाटा राखेर घेराउ गरिएको छ । यसअघि सिंगाका बासिन्दाहरु ब्याडमिन्टन खेल्नका लागि म्याग्दी एकेडेमिको खेलमैदानमा जाने गरेका थिए ।

स्थानीय रवी बानियाले कोर्ट भएपछि खेल अभ्यास र फुर्सदको समय व्यवस्थापन गर्न सहज भएको बताउनुभयो । बिहान र साँझको फुर्सदको समयमा स्थानीय युवाहरु ब्याडमिन्टन खेल्ने गर्छन् ।

म्याग्दीमा पछिल्लो समय ब्याडमिन्टन खेलप्रति आकर्षण बढेको छ । शारिरिक ब्यायम र फुर्सदको समय व्यवस्थापन गर्न ब्याडमिन्टन खेल प्रभावकारी बनेको छ । ग्रामिण क्षेत्रमा पनि ब्याडमिन्टनको क्रेज बढेको छ । आकर्षण बढेसँगै ब्याडमिन्टन खेल पूर्वाधार बन्न थालेका छन् ।

Annapurna rm notice 4
प्रतिक्रिया दिनुहोस
Loading...