बेनी, । म्याग्दीको बेनी नगरपालिका–३ भकिम्लीको चिनाखेत र डाडाखानी क्षेत्रमा शनिबार दिउँसो परेको असिनापानीले खेतीबालीमा क्षति गरेको छ ।
हिउँदे खडेरीमा दुखले हुर्काएको बाली असिनाले चुटेर नष्ट गरिदिदाँ कृषक निराश र चिन्तित भएका छन् । चिनाखेतका दिपक पुनले खेतबारीमा हिउँजस्तै जम्नेगरी परेको असिनाले खेतीबालीमा नोक्सानी गरेको बताउनुभयो ।
गहुँ, केराउ, जौ, उवा लगायत भित्र्याउने बेला भएको हिउँदेबालीमा असिनाले क्षति गरेको छ । यसैगरी भर्खरै उम्रदै गरेको भकै, सिमी, आलु लगायत बर्खोबालीका बिरुवामा पनि असिनाले क्षति गरेको छ ।
सुन्तला जात फलफुलमा पनि असिनाले क्षति गरेको छ । म्याग्दीका धेरैजसो क्षेत्रमा शनिबार दिउँसो बर्षात भएको छ । अन्य ठाउँमा भने पानी मात्र परेको थियो ।
