बेनी, । म्याग्दीमा सत्ता गठबन्धनका उम्मेदवारले शनिबार रघुगंगा गाउँपालिका–२ भगवती र धवलागिरी गाउँपालिका–४ मुदीमा घरदैलो, कार्यकर्ता र मतदाता भेटघाट गरेका छन् ।
रघुगंगा गाउँपालिकाको भगवतिमा प्रतिनिधिसभा सदस्यका उम्मेदवार नेपाली कांग्रेस म्याग्दीका सभापति खम बहादुर गर्बुजा, प्रदेश क का उम्मेदवार नेकपा माओवादी केन्द्रका युवा नेता हरी भण्डारी सहितको टोलीले स्थानीयसंग प्रत्यक्ष भेटघाट गरेर चुनावमा सहयोगका लागि अपिल गरेका छन् ।
राखु भगवती रुईसे टोल, साझपानी देपुर्ण भगवती मैदानका स्थानीबासीले गठबन्धनका उम्मेदवारलाई बहुमतका साथ जिताउने प्रण गरेका छन । गठबन्धनका साझा उम्मेदवार गर्वुजाले संविधानको रक्षा, राजनीतिक स्थायित्व, दिगो विकास र समृद्धिकाका लागि काम गर्ने जनतासंग प्रतिबद्धता गरेका छन् । त्यस्तै प्रदेश क उम्मेदवार भण्डारीले स्थानीयको समस्यालाई प्राथमिकता राखेर काम गर्ने प्रतिवद्धता जनाउदै गठबन्धनलाई जिताउन जन्मगाउँ राखुबासीलाई आग्रह गर्नुभएको छ ।
नेकपा माओवादी केन्द्रका प्रदेश सदस्य रिमबहादुर कटुवाल, नेपाली कांग्रेसका महाधिवेशन प्रतिनिधि शिव केसी, कांग्रेसका क्षेत्र (क) का उपसभापति भवबहादुर भण्डारी लगायतका नेताहरुले बाम लोकतान्त्रिक गठबन्धनका उम्मेदवार जिताउने प्रण गरेका छन । गठबन्धनका नेताले प्रदेश (क) मा युवा उम्मेदवार पाएको भन्दै मतदिएर सहयोग राखुबासीलाई अपिल गर्नुभएको थियो ।
यसैगरी गठबन्धनबाट म्याग्दीको प्रदेशसभा क्षेत्र (ख)मा उमेद्वार बन्नुभएका माओवादी केन्द्रका जिल्ला संयोजक रेशम जुग्जाली (सुविन) नेतृत्वको टोलीले धवलागिरी गाउँपालिकाको मुदीमा घरदैलो, मतदाता र कार्यकर्ता भेटघाट गर्नुभएको छ ।
नेपाली काँग्रेसका महाधिवेशन प्रतिनिधी श्रीप्रसाद रोका, प्रदेशसभा क्षेत्र खका सभापति टंकप्रसाद पुन, नेकपा एकिकृत समाजवादीका युवा नेता अनुप गौचन लगायतको टोलीले मुदीमा घरदैलो गरेका हुन् ।
गठबन्धनमा आवद्ध काँग्रेस र माओवादीले निर्वाचनलाई लक्षित गरेर वडा र टोल स्तरमा संयुक्त कार्यकर्ता भेला, प्रशिक्षणका साथै भेटघाट अभियानलाई तिब्रता दिएका छन् ।
