बेनी, । बेनीमा आइतबार आत्महत्या रोकथाम तथा न्युनिकरण सम्बन्धी बृहत सचेतनामुलक कार्यक्रम सम्पन्न भएको छ ।
जिल्ला प्रहरी कार्यालयको आयोजनामा बेनीमा ¥याली, अन्तरक्रिया र अभिमुखीकरण कार्यक्रम गरेर आत्महत्या रोकथाम दिवस मनाइएको हो ।
जिल्ला प्रहरी कार्यालय परिसरदेखि शुरु भएको ¥याली संगमचोक, क्याम्पसचोक, न्युरोड, हुलाकचोक हुदै बजार परिक्रमा गरेर जिल्ला समन्वय समितिको सभाहलमा पुगेर औपचारिक कार्यक्रममा परिणत भएको थियो । ¥यालीमा सहभागिहरुले आत्महत्या रोकथामका लागि विभिन्न सन्देश लेखिएको प्ले कार्ड बोकेका थिए ।
“नेपाल प्रहरी कार्ययोजना–२०७९” अन्तर्गत आत्महत्या न्यूनिकरण कार्यक्रम अनुरुप देशभर बढ्दो आत्महत्या दरलाई न्यूनिकरण गर्न आम नागरिकलाई सचेत गराउने उद्देश्यले कार्यक्रम गरिएको प्रहरी नायव उपरिक्षक तिलक भारतिले बताउनुभयो ।
प्रमुख जिल्ला अधिकारी चिरञ्जिवी रानाको अध्यक्षता र जिल्ला समन्वय समितिका प्रमुख राजकुमार थापाको प्रमुख आतिथ्यतामा भएको कार्यक्रममा जनप्रतिनिधि, सुरक्षा अधिकारी, राजनीतिकर्मी, सामाजिक संघ संस्थाका प्रतिनिधी, शिक्षक र विद्यार्थीहरुको सहभागिता थियो ।
