बेनी,। नेपाली काँग्रेसले म्याग्दीको मालिका र रघुगंगा गाउँपालिकाको उपाध्यक्षका उमेद्वार छनौट गरेको छ ।
मालिका गाउँपालिकाको उपाध्यक्षमा पिपला बुढा र रघुगंगाको उपाध्यक्षमा प्रेमकुमारी पुनलाई उमेद्वार बनाउने निर्णय गरेको काँग्रेस म्याग्दीले जनाएको छ । बुढा मालिका गाउँपालिका वडा नम्बर ५ को बाहलवाला अध्यक्ष हुनुहुन्छ ।
रघुगंगाको उपाध्यक्षको उमेद्वार चयन हुनुभएकी प्रेमकुमारी कोटगाउँ निवासी हुनुहुन्छ । काँग्रेसले रघुगंगाको अध्यक्षमा भवबहादुर भण्डारी र मालिकामा श्रीप्रसाद रोकालाई उमेद्वार बनाउने भएको छ । दुवै जना सो पालिकाका वाहालवाला अध्यक्ष हुनुहुन्छ ।
